30/11/25

गोवा येथील 25 मीटर स्टॅंडर्ड पिस्तोल शुटिंग स्पर्धेत शिदोड येथील श्री महालक्ष्मी माध्यमिक विद्यालयाच्या चि. तानाजी काळेचे सुयश! सर्वस्तरातून अभिनंदनाचा होतोय वर्षाव..!

गोवा येथील 25 मीटर स्टॅंडर्ड पिस्तोल शुटिंग स्पर्धेत शिदोड येथील श्री महालक्ष्मी माध्यमिक विद्यालयाच्या चि. तानाजी काळेचे सुयश!

सर्वस्तरातून होतोय अभिनंदनाचा  वर्षाव..!

बीड दि.२०(प्रतिनिधी)-गोवा येथे झालेल्या राष्ट्रीय रायफल/पिस्तोल शुटिंग स्पर्धा 25 मीटर स्टॅंडर्ड पिस्तोल या स्पर्धेत शिदोड येथील श्री महालक्ष्मी माध्यमिक विद्यालयाचा विद्यार्थी तानाजी सुभाष काळे याने सीनियर गटात तिसरा क्रमांक आणि ज्युनियर गटात चौथा क्रमांक मिळवला. या यशाबद्दल त्याच्यावर सर्वस्तरातून अभिनंदनाचा वर्षाव होत आहे.
बीड शहरापासून जवळ असलेल्या शिदोड येथील शिवनेरी शिक्षण प्रसारक मंडळ बीड संचलित श्री महालक्ष्मी माध्यमिक विद्यालयात शिक्षण घेत असलेल्या तानाजी सुभाष काळे या विद्यार्थ्यांस पिस्तोल शुटिंगची लहानपणापासून आवड आहे. ही आवड जोपासण्यासाठी तो सातत्याने धडपड करत आहे. तो दररोज सराव करून या स्पर्धेत अधिक निपुण होण्यासाठी तो प्रयत्नशील असतो. त्याने आता पर्यंत विविध स्पर्धासह शालेय स्तरावरील स्पर्धेत तालुका, जिल्हा आणि विभागीय स्तरावर पिस्तोल शुटिंग स्पर्धेत भाग घेऊन घवघवीत यश संपादन केले आहे. नुकतेच गोवा येथे राष्ट्रीय रायफल/पिस्तोल शुटिंग स्पर्धा 25 मीटर स्टॅंडर्ड पिस्तोल स्पर्धा आयोजित करण्यात आली होती. या स्पर्धेत चि. तानाजी सुभाष काळे सहभागी झाला होता. या स्पर्धेत त्याने सीनियर गटाच्या स्पर्धेत तिसरा क्रमांक मिळविला तर ज्युनियर गटात चौथा क्रमांक मिळवला आहे. त्याच्या या यशाबद्दल त्याचे शिवनेरी शिक्षण प्रसारक मंडळाचे अध्यक्ष गणेश वाघ सर, सचिव नामदेव वाघ सर, शाळेचे मुख्याध्यापक चव्हाण सर, वाव्हळ सर, श्रीमती फाटे, श्रीमती साळुंके, श्रीमती सानप मॅडम गुजर सर यांच्यासह शिक्षकेत्तर कर्मचारी, त्याचे आईवडील, नातेवाईक आणि मित्र परिवारांनी त्याचे अभिनंदन करून त्यास पुढील स्पर्धेसाठी शुभेच्छा दिल्या.
_________________________________

 

Check Also

स्मिता विष्णू वाघमारे यांना समाज बांधवांचा पाठिंबा बीड शहरातील आंबेडकरी समाज बांधवांच्या निर्णायक बैठकीत निर्धार

स्मिता विष्णू वाघमारे यांना समाज बांधवांचा पाठिंबा बीड शहरातील आंबेडकरी समाज बांधवांच्या निर्णायक बैठकीत निर्धार …