30/11/25

बीडमध्ये टीईटी परीक्षेचा पहिला बळी! TET परीक्षेच्या तणावातून बीड मध्ये शिक्षक आत्महत्या; बीडच्या शिक्षण क्षेत्रात शोककळा

बीडमध्ये टीईटी परीक्षेचा पहिला बळी!

TET परीक्षेच्या तणावातून बीड मध्ये शिक्षक आत्महत्या; बीडच्या शिक्षण क्षेत्रात शोककळा

बीड दि. 23 (प्रतिनिधी): बीड तालुक्यातील कोल्हारवाडी येथील श्री शहागीर बाबा शाळेत कार्यरत असलेले शिक्षक राजाराम बाजीराव वळे यांनी शिक्षक पात्रता परीक्षा (TET) संबंधित वाढत्या तणावामुळे आत्महत्या केल्याची हृदयद्रावक घटना रविवार दिनांक 23 नोव्हेंबर रोजी दुपारी बारा वाजण्याच्या सुमारास घडली. या घटनेमुळे संपूर्ण बीड जिल्ह्यात मोठी खळबळ उडाली असून शिक्षकवर्गात शोककळा पसरली आहे.
या बाबत अधिक माहिती अशी की माहितीनुसार, राजाराम वळे नावाचे शिक्षक हे बीड तालुक्यातील कोल्हारवाडी येथील श्री शहागीर बाबा या शाळेमध्ये 22 – 23 वर्षापासून शिक्षक म्हणून कार्यरत होते. विद्यार्थ्यांमध्ये ते शांत, प्रेमळ आणि मार्गदर्शन करणारे शिक्षक म्हणून ओळखले जात. ते मागील काही दिवसांपासून TET परीक्षेच्या तयारीत व्यस्त होते आणि सतत तणावाखाली होते. या तणावातूनच त्यांनी TET परीक्षेच्या दिवशी म्हणजेच रविवार दिनांक 23 नोव्हेंबर रोजी दुपारी बारा वाजण्याच्या सुमारास स्वतःच्या राहत्या घरी गळफास घेऊन आत्महत्या केली. त्यांच्या घरच्यांना घटनेनेची तीन वाजण्याच्या सुमारास ही घटना माहिती झाली.
सदर घटनेची माहिती मिळताच बीड ग्रामीण पोलीस तात्काळ घटनास्थळी पोहोचले. घटनास्थळी पंचनामा करून मृतदेह ताब्यात घेऊन शवविच्छेदनासाठी जिल्हा रुग्णालयात पाठविण्यात आला होता. सोमवार दिनांक 24 रोजी सकाळी त्यांच्या पार्थिवावर बीड शहरातील संत भगवान बाबा प्रतिष्ठानच्या पाठीमागे असलेल्या स्मशानभूमीत अंतिम संस्कार करण्यात आले. या घटनेमुळे संपूर्ण बीड जिल्ह्यात मोठी खळबळ उडाली असून शिक्षकवर्गात शोककळा पसरली आहे. या प्रकरणाची बीड ग्रामीण पोलीस स्टेशनमध्ये नोंद करण्यात आली असून पुढील तपास सुरू आहे.
__________________________________

Check Also

बीडचा निर्णय ठाम, घड्याळाला मत नाही बीडमध्ये आंबेडकरी समाजाची एकजूट;राजेशाही बीडच्या वेशीबाहेर फेकू

बीडचा निर्णय ठाम, घड्याळाला मत नाही बीडमध्ये आंबेडकरी समाजाची एकजूट;राजेशाही बीडच्या वेशीबाहेर फेकू बीड दि.१९ …