श्री खंडेश्वरी देवी नवरात्रोत्सवाची तयारी पूर्ण उद्यापासून श्री खंडेश्वरी देवी नवरात्र महोत्सवाला होणार सुरुवात! पहाटे ४.३० ते रात्री १२.३० या वेळेत मंदिर दर्शनासाठी खुले राहणार; यंदा १० मिनिटांत होणार दर्शन

श्री खंडेश्वरी देवी नवरात्रोत्सवाची तयारी पूर्ण

उद्यापासून श्री खंडेश्वरी देवी नवरात्र महोत्सवाला होणार सुरुवात!

पहाटे ४.३० ते रात्री १२.३० या वेळेत मंदिर दर्शनासाठी खुले राहणार; यंदा १० मिनिटांत होणार दर्शन

बीड दि.२१( प्रतिनिधी)- शहराचे ग्रामदैवत असलेल्या खंडेश्वरी देवीच्या शारदीय नवरात्र महोत्सवाची तयारी अंतिम टप्प्यात आली आहे. येत्या २२ सप्टेंबर ते २ ऑक्टोंबर या कालावधीत नवरात्रोत्सव आहे दिव्यांग आणि आजारी भविकांना व्हीलचेअरद्वारे देवीचे थेट दर्शन घेता येणार आहे. महिला आणि पुरूषांसाठी दर्शनाच्या स्वतंत्र रांगा राहणार असुन गर्दी टाळण्यासाठी भाविकांना १० मिनिटांत दर्शन घेता येईल. अशी व्यवस्था करण्यात आली आहे. याव्यतिरिक्त, ऑनलाईन दर्शनाचीही सोय उपलब्ध करून देण्यात आली आहे. भाविकांच्या सोयीसाठी पहाटे ४.३० ते रात्री १२.३० या वेळेत मंदिर दर्शनासाठी खुले राहणार असल्याची माहिती ट्रस्टचे अध्यक्ष राणा रणजितसिंह चव्हाण यांनी दिली आहे.
नवरात्रोत्सवाच्या पार्श्वभूमीवर मंदिराची रंगरोटी विद्युत रोषणाई आणि सुशोभीकरणाचे काम सुरू असलेले काम पुर्ण झाले आहे. मंदिरासमोर खेळणी, राहटपाळणे आणि स्टॉलस उभारले आहेत.
या वर्षी मंदिर परिसरात २५० छोटे मोठे स्टॉल्स उभारले जाणार आहेत. ज्यात विविध खाद्यपदार्थ आणि वस्तु विक्रीची दुकाने, असतील, या स्टॉल्सना विद्युत रोषणाईसाठी ट्रस्टच्या वतीने वीज दिली जाणार आहे. हे सर्व स्टॉल्स सोमवारपासुन भाविकांसाठी खुले केले जाणार आहे. दिव्यांग भाविकांना दर्शनासाठी दर्शनासाठी व्हील चेअरची व्यवस्था शहराचे ग्रामदैवत असलेल्या श्री खंडेश्वरी देवीच्या नवरात्र महोत्सवाची तयारी अंतिम टप्यात आली आहे. उद्यापासून सुरू होणाऱ्या नवरात्र कालावधीत यंदा दिव्यांग भाविकांना थेट दर्शनासाठी व्हील चेअर ची व्यवस्था करण्यात आली आहे. वाहनांची होणारी गर्दी टाळण्यासाठी मंदिरासमोरील मैदानावर पार्किंग नवरात्र उत्सव दरम्यान नागरिकांची दर्शनासाठी प्रचंड गर्दी होत असते. त्यामुळे श्री खंडेश्वरी देवी मंदिर परिसरात वाहनांचीही मोठी होणारी गर्दी लक्षात घेता मंदिरासमोरील मैदान वाहनांच्या पार्किंगसाठी खुले केले आहे. वाहन चोरी जाऊ नये यासाठी येथील संपूर्ण परिसर सीसीटीव्हीच्या निगराणी खाली आहे. २५० स्टॉल नवरात्र उत्सव दरम्यान येथे खेळणी, पानफुल, खाद्यपदार्थ, ज्वेलरी व इतर गोष्टींचे छोटे मोठे २५० स्टॉल्स असणार आहेत. आनंदनगरी विशेष आकर्षण दरवर्षीप्रमाणे याही वर्षी नवरात्र उत्सव चे प्रमुख आकर्षण म्हणजे आनंदनगरी याही वर्षी असणार आहे. यामध्ये लहान मोठ्यांसाठी वेगवेगळे खेळणी, रहाट पाळणे असणार आहेत. मंदिर परिसर ४२ सीसीटीव्ही च्या निगरानीत; २५ सुरक्षा रक्षक तैनात भाविकांच्या सुरक्षेच्या दृष्टीने मंदिर परिसरात ४२ सीसीटीव्ही लावण्यात आले आहेत. यामुळे मंदिराच्या आजूबाजूचा परिसरावर लक्ष असणार आहे. मंदिर गाभार्यातही २५ महिला व पुरुष सुरक्षा रक्षक असणार आहेत. यंदा शतचंडी याग कार्यक्रम व नवरात्र उत्सव दरम्यान वेगवेगळ्या धार्मिक कार्यक्रम होत असतात. यंदा मंदिर समितीच्या वतीने शतचंडी याग कार्यक्रमाचे आयोजन करण्यात आले आहे. हा शतचंडी याग कार्यक्रम दि. २७ सप्टेंबर ते ३० सप्टेंबर पर्यंत असणार आहे. वैद्यकीय पथक, अग्निशमन दल तैनात भाविकांच्या आरोग्याची काळजी घेण्यासाठी वैद्यकीय पथकही तैनात असणार आहे. मंदिर परिसरातही अग्निशमन पथक असणार आहे. तसेच सूचना देण्यासाठी लाऊडस्पिकरचीही व्यवस्था करण्यात आली आहे. नवरात्रउत्सवा दरम्यान विविध धार्मिक कार्यक्रमाचे आयोजन करण्यात आले आहे. यात दैनंदिन काकडा आरती सकाळीची आरती महानैवेद्य आणि छबिना पालखी आणि सायंकाळची महाआरती यांचा समावेश आहे. अशी माहिती ट्रस्टचे अध्यक्ष राणा रणजितसिंह चव्हाण यांनी दिली आहे.