गायरान धारकांच्या नावे जमिनी करण्यासाठी राज्यभर लढा उभा करणार-पप्पू कागदे गायरान धारकांच्या न्याय हक्कासाठी आंदोलन

गायरान धारकांच्या नावे जमिनी करण्यासाठी राज्यभर लढा उभा करणार-पप्पू कागदे

गायरान धारकांच्या न्याय हक्कासाठी आंदोलन

बीड दि.23 (प्रतिनिधी)- राज्यासह जिल्हाभरात कसत असलेल्या गायरान जमिनीची प्रलंबित प्रकरणे निकाली काढण्यासाठी व कसत असलेल्या गायरान जमिनी गायरान धारकांच्या नावे करण्यासाठी जिल्हा रिपाइंच्या वतीने आज दि.२३ सप्टेंबर २०२५ मंगळवार रोजी बीडच्या जिल्हाधिकारी कार्यालयावर युवा रिपाइं प्रदेशाध्यक्ष तथा रिपाइंचे बीड जिल्हाध्यक्ष पप्पू कागदे यांच्या नेतृत्वाखाली छत्रपती शिवाजी महाराज यांच्या पुतळ्यास अभिवादन करुन भव्य रॅली काढून, जिल्हाधिकारी कार्यालयावर महाधरणे आंदोलनास सुरुवात करण्यात आली.
केंद्रिय मंत्री रामदास आठवले दलित पँथरच्या माध्यमातून कसत असलेल्या गायरान जमिनी गायरान धारकांच्या नावे करण्यासाठी राज्यभर गायरान धारकांचा लढा उभा केला. राज्याचे समाज कल्याण मंत्री असतांना १४ एप्रिल १९९० ला शासन परिपत्रक (शासन जी.आर.) लागू केला. त्यामुळे लाखो हेक्टर गायरान जमिनी गायरान धारकांच्या नावे करुन त्यांना उपजीविका भागविण्याचे साधन निर्माण करुन दिले.गायरान जमिनी नावे करण्यासाठी गायरान धारकांनी मुळ कागद पत्रांसह आपले प्रस्ताव वेळो-वेळी महसूल विभागाकडे सादर केलेली आहेत. परंतू शासनाच्या गळचेपी धोरणांमुळे गायरान जमिनी नावे होण्यासाठी विलंब होत आहे. अठरापगड जातीच्या समाज बांधवांच्या न्याय व हक्कासाठी काम करणारी चळवळ रिपब्लिकन पक्षाची आहे. आम्ही रिपाइंच्या माध्यमातून आजपर्यंत जिल्ह्यातील गायरान धारकांच्या नावे दोन हजार एकर जमीन करून सातबारा वाटप केले आहेत, व पाच हजार एकर गायरान जमिनीवर नविन अतिक्रमण करण्यात आले आहे. हे रिपाइंच्या आंदोलनाचे मोठे यश आहे. कसत असलेल्या गायरान जमीन व नवीन अतिक्रमणित जमिनी गायरान धारकांच्या नावे करण्यासाठी 1990 च्या शासन जीआर नुसार गायरान धारकांची प्रलंबित प्रकरणे निकाली काढण्यात यावीत. भूमिहीन गायरान धारक, शेतमजूर, ऊसतोड कामगार यांना प्रति महिना ३००० रुपये मानधन देण्यात यावे. गायरान धारकांच्या ७/१२ व ८-अ उतारा क्षेत्रावर असणारे पोट खराब क्षेत्र काढण्यात यावे.१९९० च्या शासन परिपत्रकास २०१५ पर्यंत मुद्दत वाढ देण्यात यावी. या प्रमुख मागण्यांची शासन दरबारी पूर्तता करण्यासाठी जिल्हा रिपाइंच्या वतीने जिल्हाधिकारी कार्यालयावर महाधरणे आंदोलन करण्यात आले. आगामी काळातही गायरान धारकांना हक्काच्या जमिनी मिळवून देण्यासाठी रिपाइंच्या वतीने राज्यभर गायरान धारकांचा लढा उभा करणार आहे.

यावेळी राजू जोगदंड, मझर खान, किसन तांगडे, किशोर कांडेकर,सुशिलाताई मोराळे, अशोक साळवे
दिपक कांबळे, महादेव उजगरे, थोडीराम सिरसट, सचिन कागदे, हरिश मस्के मायाताई मिसळे, राणी गायकवाड, सलमा पठाण, शोभा गलांडे, दशरथ सोनवणे, सादेक पठाण,गोवर्धन वाघमारे, बापू पवार, शाहु डोळस, अरुण निकाळजे, लक्ष्मण सिरसट,
दशरथ शिदे, महेश आठवले, सादेक कुरेशी, विजय चांदणे, दिलिप बन्सोडे, रविंद्र जोगदंड, गौतम बचुटे, विलास वाघमारे, प्रमोद दासूद, दिपक कांबळे,
मिलींद तरकसे, सुरज काळे, निलेश ढोबळे, राहुल सरवदे, भगवान ससाणे, गणेश लांडगे, राहुल वाघमारे,राजकुमार सोनवणे, विजय डावरे, हरीश जावळे, कपिल जावळे, किशोर जावळे, विजय जाधव, अविनाश जोगदंड, प्रभाकर चांदणे, विलास जोगदंड, नागेश दुबळे,भैय्या मस्के, संभाजी गायकवाड, भैय्या साळवे, संजय हनवते, सचिन वडमारे,पप्पू वाघमारे,
सुभाष तांगडे, सतिष सिनगारे, राजाभाऊ वक्ते, शाम वीर , अक्षय कोकाटे, धम्मा पारवेकर, नामदेव वाघमारे, देवानंद वाघमारे अशोक दळवी, भैय्यासाहेब साळवे, भाऊसाहेब दळवी, दिलीप खंदारे, सुभाष पारवे, रामदास मस्के, मनोज बोराडे, महेंद्र वडमारे, बाळासाहेब गव्हाणे, भाउसाहेब कांबळे, भास्कर जावळे, सोनू वडमारे, जितेंद्र खरात, मोहन वक्ते, यांच्यासह हजारो गायरान धारक, महीला, व रिपाइं कार्यकर्ते महाधरणे आंदोलनात सामील झाले होते.

चौकट
राज्यासह जिल्हाभरात कसत असलेल्या गायरान जमिनी गायरान धारकांच्या नावे करण्यासाठी रिपाइंचे राष्ट्रीय अध्यक्ष मंत्री रामदास आठवले यांच्या नेतृत्वाखाली रिपाइंचे शिष्टमंडळ येत्या 15 दिवसात राज्याचे मुख्यमंत्री व महसूलमंत्री यांना भेटणार आहे.