आज शाहूनगर मध्ये श्री महालक्ष्मी मूर्ती प्राणप्रतिष्ठा व कलशारोहण सोहळा कार्यक्रमाचे आयोजन!

आज शाहूनगर मध्ये श्री महालक्ष्मी मूर्ती प्राणप्रतिष्ठा व कलशारोहण सोहळा कार्यक्रमाचे आयोजन!

बीड दिनांक 23 (प्रतिनिधी)- शहरातील शाहूनगर भागातील पोल फॅक्टरीच्या पाठीमागे असलेल्या महालक्ष्मी कॉलनीमध्ये लोकसहभागातून उभारण्यात आलेल्या श्री महालक्ष्मी मंदिरात आज थोर संत महंतांच्या शुभहस्ते श्री महालक्ष्मी मूर्ती प्राणप्रतिष्ठा व कलशारोहण सोहळा आयोजित करण्यात आला आहे.
या सोहळ्यास बीड शहरातील भाविक भक्तांनी उपस्थित रहावे असे आवाहन महालक्ष्मी कॉलनीतील नागरिकांच्या वतीने करण्यात येत आहे.
याबाबत अधिक माहिती अशी की बीड शहरातील शाहूनगर भागातील पोल फॅक्टरीच्या पाठीमागे असलेल्या महालक्ष्मी कॉलनी मध्ये लोकसहभागातून कोल्हापूरच्या महालक्ष्मीचे अधिष्ठान मांडून
मातेचे मंदिर बांधण्यात आले. या मंदिरातील मूर्ती प्रतिष्ठान व कलश रोहण सोहळा कार्यक्रम आयोजित करण्यात आला या कार्यक्रमांमध्ये पहिल्या दिवशी म्हणजेच मित्ती आश्विन शुक्ल पक्ष १ सोमवार दि. २२ सप्टेंबर रोजी सकाळी १०:०० वा. शोभायात्रा काढून सकाळी ११:३० मी. पुजेला प्रारंभ करण्यात आला. गणेश पुजन, स्वस्ती पुण्याहवाचन, मातृका पुजन, नांदीश्राध्द, ऋत्विक वरणम, जलाधिवास, अग्नीस्थापना, देवता स्थापना, ग्रह होम, सायं पुजन, आरती कार्यक्रम संपन्न झाला. दुसऱ्या दिवशी
मित्ती आश्विन शुक्ल पक्ष २ मंगळवार दि. २३ सप्टेंबर रोजी सकाळी १०:०० वा. शोभायात्रा काढण्यात आली. त्यानंतर सकाळी १०:०० मी. स्थापित देवता पुजन (प्रसाद वास्तुशांती) ८१ कलश शिखर स्थापन/प्रसादोत्सर्ग मुर्ती मुर्तीपति लोकपाल हवन, प्रधान देवता हवन, मुर्ती स्थापन, विधी, मुर्ती न्याय विधी कर्मशिला, ब्रम्हशिला, पिण्डिका वाहन पुजन, शय्यदिवास व धान्यादीवास, सायं. पुजना नंतर आरती संपन्न झाली. आज तिसऱ्या दिवशी मित्ती आश्विन शुक्ल पक्ष ३, म्हणजेच बुधवार दि. २४ सप्टेंबर रोजी प्रातः पुजन, प्रासाद दिक्षु होम कार्यक्रमानंतर सकाळी 11 वाजता श्री.ह.भ.प.प.पू.गुरू. शांतीब्रम्ह नवनाथ महाराज श्री क्षेत्र गोरक्षनाथ टेकडी, श्री.ह.भ.प.प.पू.गुरू. महादेव महाराज श्री क्षेत्र चाकरवाडी, श्री.ह.भ.प.प.पू. गुरू. महंत शिवाजी महाराज मठाधिपती, श्रीक्षेत्र नारायणगड श्री.ह.भ.प.प.पू.गुरू. श्रीहरी पवार महाराज श्री क्षेत्र दत्त संस्थान कोल्हारवाडी यांच्या शुभहस्ते कलशारोहन व महालक्ष्मी मातेची प्राणप्रतिष्ठा होईल. दुपारी १२:१० मी. स्थापित देवता होम, बलिदान, पुर्णाहुती, आरती कार्यक्रमानंतर महाप्रसादाचे आयोजन केरण्यात आले आहे. तरी या मूर्ती प्रतिष्ठान व कलश रोहण सोहळा कार्यक्रमास बीड शहरातील व परिसरातील नागरिकांनी आणि भाविक भक्तांनी उपस्थित राहून महाप्रसादाचा लाभ घ्यावा असे आवाहन मंदिर प्रतिष्ठानच्या वतीने करण्यात आले आहे.