राष्ट्र उभारणीचा मुख्य पाया शिक्षक; शिक्षकांचे प्रश्न सोडवण्यासाठी आम्ही प्राधान्य देऊ- सुषमा अंधारे मॅडम बीड जिल्ह्यातील शिक्षकांनी घेतली शिवसेना उपनेत्या सुषमा अंधारे यांची भेट!

राष्ट्र उभारणीचा मुख्य पाया शिक्षक; शिक्षकांचे प्रश्न सोडवण्यासाठी आम्ही प्राधान्य देऊ- सुषमा अंधारे मॅडम

बीड जिल्ह्यातील शिक्षकांनी घेतली शिवसेना उपनेत्या सुषमा अंधारे यांची भेट!

बीड दि.३०(प्रतिनिधी)- राष्ट्र उभारणीचा मुख्य पाया शिक्षक आहेत. ही बाब सर्वांनी लक्षात घेतली पाहिजे. शिक्षकांना येणाऱ्या अडचणी तात्काळ दूर केल्या पाहिजे. परंतु दुर्दैवाची गोष्ट या राज्यामध्ये शिक्षकांना वेठीस धरण्याचे काम राज्य सरकारकडून केले जाते. शिक्षकांचे प्रश्न सोडवण्यासाठी आम्ही सदैव प्राधान्य देत आहोत. यापुढे शिक्षकांचे प्रश्न प्राधान्याने सोडवू असे आश्वासन शिवसेनेच्या उपनेत्या सुषमा अंधारे यांनी बीड शहरात शिवसेना शिक्षक संघटनेचे जिल्हाध्यक्ष श्री लक्ष्मण बहिरवाळ आणि विनाअनुदानित शाळा कृती समितीचे बीड जिल्हाध्यक्ष श्री आत्माराम वाव्हळ यांच्याशी बोलताना दिले. या वेळी त्यांच्या समवेत शिवसेना जिल्हाप्रमुख उल्हास गिराम आणि नितीन भैय्या धांडे आदी उपस्थित होते.
शिवसेना प्रमुख उद्धव बाळासाहेब ठाकरे यांच्या अतिशय निकटवर्तीय आणि शिवसेनेच्या उपनेत्या मा. सुषमाताई अंधारे मॅडम ह्या आज गुरुवार दिनांक 30 ऑक्टोबर 2025 रोजी बीड शहरात आल्या होत्या. यावेळी बीड शहरातील शिक्षकांनी त्यांची भेट घेतली. यावेळी त्यांनी शिक्षकांच्या विविध प्रश्नावर चर्चा केली. यावेळी बोलताना सुषमाताई अंधारे मॅडम म्हणाल्या की, शिक्षक हे समाजाचे योग्य दिशा दर्शक आहेत. ते मुलांचा सर्वांगीण विकास घडवून सुसंस्कारित पिढी निर्माण करतात. हीच पिढी देशाच्या विकासात महत्त्वाचा वाटा उचलते; म्हणूनच राष्ट्र उभारणीचा मुख्य पायाच शिक्षकाना मानले जात आहे. ही बाब शासनाने आणि समाजाने लक्षात घेतली पाहिजे. शिक्षकांना येणाऱ्या अडचणी तात्काळ दूर केल्या पाहिजे. परंतु दुर्दैवाची गोष्ट या राज्यामध्ये शिक्षकांना वेठीस धरण्याचे काम सरकारकडून केले जाते. शिक्षकांचे प्रश्न सोडवण्यासाठी आम्ही प्राधान्य देतो यापुढे ही प्राधान्य देऊ असे शिवसेनेच्या उपनेत्या सुषमा अंधारे यांनी शिक्षक सेना जिल्हाध्यक्ष श्री. लक्ष्मण बहिरवाळ आणि विनाअनुदानित शाळा कृती समितीचे बीड जिल्हाध्यक्ष आत्माराम वाव्हळ सर यांच्याशी चर्चा करताना सांगितले. या वेळी श्री लक्ष्मण वाघमारे सर, श्री शिंदे सर, श्री. शिवप्रसाद सिरसाट सर यांच्यासह इतर शिक्षक, मुख्याध्यापक आणि शिक्षकेत्तर कर्मचारी उपस्थित होते.