सामाजिक समता व संविधानिक मूल्ये नव्या पिढीत रुजवणे काळाची गरज – अविनाश पायके बीडमधील चंदुकाका सराफ दुकानात संविधान दिन मोठ्या उत्साहात साजरा

सामाजिक समता व संविधानिक मूल्ये नव्या पिढीत रुजवणे काळाची गरज – अविनाश पायके

बीडमधील चंदुकाका सराफ दुकानात संविधान दिन मोठ्या उत्साहात साजरा

बीड दि. २७ (प्रतिनिधी)- संविधान दिन हा केवळ सरकारी अधिकारी किंवा शाळांपुरता मर्यादित कार्यक्रम राहू नये. व्यापारी, शिक्षक, अधिकारी, विद्यार्थी प्रत्येकाने संविधानाचे पालन करण्याचा संकल्प करून समाज अधिक समतोल, सुरक्षित व प्रगत करण्यासाठी पुढे यावे असे आवाहन बीड शहरातील रिअल इस्टेट उद्योगाचे प्रमुख अविनाश पायके यांनी चंदूलाल सराफ दुकानात संविधान दिन कार्यक्रमाच्या अध्यक्षस्थानावरून बोलताना केले. या वेळी व्यासपीठावर प्रमुख पाहुणे म्हणून सेवानिवृत्त मुख्याध्यापक अण्णासाहेब शेळके, पत्रकार आत्माराम वावळकर, गफार देशमुख, मिथुन जोगदंड, मॅनेजर अभिजीत अडाणे, प्रसिद्ध उद्योजक विजयकुमार बियाणी, प्रा. मनोहर पायके, अर्जून जंवजाळ, लिपिक उज्वला वाघमारे आणि राहुल वाघमारे आदी मान्यवर उपस्थित होते.
बीड शहरातील चंदुकाका सराफ दुकानात
गुरूवार, दि. २७ रोजी सायंकाळी ६ वाजण्याच्या सुमारास संविधान दिनानिमित्त कार्यक्रम आयोजित करण्यात आला होता. कार्यक्रमाच्या सुरुवातीला महामानव क्रांतीसूर्य भारतरत्न डॉ. बाबासाहेब आंबेडकरांच्या प्रतिमेचे आणि संविधान प्रस्ताविकेचे पूजन करण्यात आले. त्यानंतर निवडक मान्यवरांनी संविधान दिनाबाबत आपले मनोगत व्यक्त केले. त्यानंतर अध्यक्षीय मार्गदर्शन करताना अविनाश पायके साहेब म्हणाले की, बीड शहरातील व्यापारी क्षेत्रात प्रथमच संविधान दिन इतक्या शिस्तबद्ध, भव्य पद्धतीने साजरा होताना पाहून निश्चितच अभिमान वाटतो. सोन्याच्या दुकानात संविधान दिन साजरा करून चंदूलाल सराफ यांनी सामाजिक समता व संविधानिक मूल्यांची नव्या पिढीत रुजवण केली आहे, हा उपक्रम शहरासाठी एक आदर्श आहे. हा त्यांचा आदर्श शहरातील इतर व्यावसायिकांना घ्यावा आवाहन केले. करत संविधान दिन हा केवळ सरकारी अधिकारी किंवा शाळांपुरता मर्यादित कार्यक्रम राहू नये. व्यापारी, शिक्षक, अधिकारी, विद्यार्थी प्रत्येकाने संविधानाचे पालन करण्याचा संकल्प करून समाज अधिक समतोल, सुरक्षित व प्रगत करण्यासाठी पुढे यावे असे आवाहन प्रत्येक भारतीयांना केले. तसेच आयोजक, कर्मचारी, वक्ते व उपस्थित मान्यवरांचे आभार मानत संविधान रक्षणासाठी जागरूकता, एकात्मता आणि सामाजिक समतेची गरज अधोरेखित केली.
कार्यक्रम यशस्वी करण्यासाठी सुपरवायझर कृष्णा राठोड, कमलेश श्रीवास्तव, तसेच सेल्स मॅन संकेत पंडित, कोमल शिरसागर, अक्षय टाक, सुरज पंडित, अनिकेत वाघमारे यांनी विशेष परिश्रम घेतले.
___________________________________