संघर्ष यात्रा परिवाराच्या शिरपेचात मानाचा तुरा संपादक आत्माराम वाव्हळ यांना ‘जननेता सन्मान 2025 पुरस्कार’ जाहीर 15 ऑक्टोबर रोजी मान्यवरांच्या हस्ते होणार वितरण! सर्व स्तरातून होतोय अभिनंदनाचा वर्षाव..!

संघर्ष यात्रा परिवाराच्या शिरपेचात मानाचा तुरा

संपादक आत्माराम वाव्हळ यांना ‘जननेता सन्मान 2025 पुरस्कार’ जाहीर

15 ऑक्टोबर रोजी मान्यवरांच्या हस्ते होणार वितरण!

सर्व स्तरातून होतोय अभिनंदनाचा वर्षाव..!

बीड दि.23 (प्रतिनिधी) – बीड शहरातील सायं दैनिक जननेताच्या प्रथम वर्धापन दिना निमित्ताने माजी सैनिक सोपानराव दादा गायकवाड यांच्या स्मरणार्थ समाजातील विविध क्षेत्रात उल्लेखनिय काम करणार्‍या गुणवंत व्यक्तींना जननेता सन्मान 2025 पुरस्कार देवून सन्मानित करण्यात येणार आहे. या पुरस्कारासाठी बीड जिल्हा विना अनुदानित शाळा कृती समितीचे बीड जिल्हाध्यक्ष तथा साप्ताहिक संघर्ष यात्राचे संपादक श्री आत्माराम वाव्हळ सर यांची निवड करण्यात आली आहे. श्री आत्माराम वाव्हळ यांची निवड म्हणजे साप्ताहिक संघर्ष यात्राच्या शिरपेच्यात मानाचा तुरा रोवला. या निवडीबद्दल संपादक श्री आत्माराम वाव्हळ यांचे सर्व स्तरातून अभिनंदन होत आहे.
सायं दैनिक जननेताच्या प्रथम वर्धापन दिनाच्या निमित्ताने माजी सैनिक सोपानराव दादा गायकवाड यांच्या स्मरणार्थ विविध क्षेत्रात भरीव काम करणाऱ्या गुणवंत व्यक्तींना जननेता सन्मान 2025 हा राज्यस्तरीय पुरस्कार देऊन सन्मानीत केले जाणार आहे. या मध्ये पुरस्कारासाठी विद्यार्थ्यांना घडविण्याचे व ज्ञानदानाचे पवित्र कार्य करत असताना पत्रकारितेच्या माध्यमातून शैक्षणिक, सामाजिक कार्यात सदैव सहभागी असणारे राज्यातील विना अनुदानित शाळेतील शिक्षक आणि शिक्षकेत्तर कर्मचाऱ्यांच्या वेतना सह इतर प्रश्नावर सातत्याने लढा देणारे महाराष्ट्र राज्य विना अनुदानित शाळा कृती समितीचे जिल्हाध्यक्ष तथा साप्ताहिक संघर्ष यात्राचे संपादक तसेच शिदोड येथील श्री महालक्ष्मी माध्यमिक विद्यालयाचे आदर्श शिक्षक, मुख्याध्यापक तसेच आदर्श पत्रकार, संपादक अशा विविध पुरस्काराने सन्मानित करण्यात आलेले श्री आत्माराम वाव्हळ सर यांची निवड करण्यात आली आहे. श्री आत्माराम वाव्हळ यांनी केलेल्या शैक्षणिक, सामाजिक आणि पत्रकारितेच्या माध्यमातून केलेल्या उल्लेखनीय कार्याची दखल घेऊन दि. 15 ऑक्टोबर 2025 रोजी सकाळी 11:00 वाजता बीड शहरात आयोजित करण्यात आलेल्या भव्य दिव्य कार्यक्रमात मान्यवरांच्या शुभहस्ते पुरस्कार देऊन गौरविण्यात येणार असल्याची माहिती पुरस्कार निवड समितीचे प्रमुख संपादक नंदू गायकवाड यांनी दिली. सदरील दैनिक जननेता सन्मान 2025 पुरस्कार मिळाल्याबद्दल श्री आत्माराम वाव्हळ सर यांच्यावर सर्वस्तरातून अभिनंदनाचा वर्षाव होत आहे.
_________________________________